زهيريات

[noraliraq]

افتتح صفحة الشعر الزهيري المحبب للجميع وابدأ بهذا الزهيري :
للشاعر كريم ناصر

ماكضها العنان دنياك اصبحت فالته

جتفت كم زين وبن ام النكص فالته

الحشمته وكت العسر بظهري شجخ فالته

شفايتلي بس فالته بظهري شجخهه وبس

حط ايده وي العدو خد اعله خد وبس

دنياك منهه تجل غدر ونفاق وبس

ويكفيك بيها طبع افلت من الفالته

تحياتي

أرجو منكم التفاعل

Breath

[علي الجابري]

السلام عليكم ورحمة الله وبركاته
كلام جميل وزهيري جميل جدا شكرا لك ونتمنى منك المزيد
ودمت بود تقبل مروري

[noraliraq]

أخي علي الجابري
شكرا لمرورك
ولكن هذا الموضوع
نقلته من احدى المنتديات
والمقصود منه
ان تشارك به
بزهيري

دمت ودام مرورك الطيب

[الصبر]

صفحة جميلة لمحبي الزهيري
سلمتِ بريث مشاركة طيبة

هذه مشاركتي لكن لااعلم من قائلها

نبتت ابوسط القلب من الونين اشجره
لاصاح عني السأل لاكال بيه اشجره
اشكثر فوك الوجن ماتدري دمعي اشجره
واللي جره اعله القلب ياأهل الخلك منهم
مابيه اشيل الجدم ياصاحبي امن الهم
من طحت محد فزع ليه اوصل منهم
من نار قلبي اشتعل تنور اهلي اشجره

[علي الجابري]

السلام عليكم ورحمة الله وبركاته
الدنيا تضد الوفي من الوفي شـــــــــــــــــلها
وروح الموده كَضت واعضاي الي شــــــلها
وبعيوني ماظل دمع هذا الوكت شـــــــــلها
اسهام اليضد بالغدر ابوسط الكَلب فـــــــاتن
لتظن فتني الدهر بيه الدهر فــــــــــــــــــاتن
ابغربتك ياصاحبي ألكَلبك اظن فــــــــــــــتن
اصبر على محنتك لابد تشوف الفـــــــــــرج
وانخلي كلمن يضد للناس صاير فــــــــــرج
عباس عندي وحسن وحسين عندي وفرج
لهذا الفرج منتضر من الزغر لامتــــــــــه
وكَلبك لانه وفي كل التضد لامتــــــــــــــه
درعي الصبر والوفه وايماني هو لامتــه
خل فالته تنشجخ مادام وجهي حســــــــن
وخليه وي العدو جي لني عندي حســـــن
ميهمني كلما عمل وبغدره ابد ماحســــن
ما اجزع من الصبر ابغدر الوكت ماحس
ماصدح صوتي وعله وما طلع مني حس
يادهركافي ابتعد عن دربي بسك حــــــس
ماتستحي يادهر جم دوب طبعك يمــــــــر
ونسمات شوكَ ابوفه لكل اهلي مني يمر
شتريد سوي بعد ميهمني وك يـــــا مـــــر
ومن عندي روحي ابغدر ميهم اذا شالها
******************

بقلم الشاعر
سيد علي الجابري

[noraliraq]

شكرا لتعطيركم الصفحه

اختي الصبر والاخ علي الجابري

[ليث]

السلام عليكم وصح السانك اخي على هل زهيري

[محمد البصري]

صفحه جميله للموال عاشت اديكم
والله لو اعرف زهيري جان كتبته